SmartFun proiektuaren aurrerapenak

Familia agurgarriak,

SmartFun proiektuaren aurrerapenak zuekin partekatu nahi ditugu IGEko partaideok. Ikasturte honetan, proiektuaren helburua seme-alaben smartphone-en erabilera osasungarria sustatzea izan da. Horretarako, familiak eta irakasleak aktiboki inplikatu ditugu.

Aurten, 4 saio egin ditugu, eta, horietan, teknologia mugikorraren erabilera arduratsuaren hainbat alderdi jorratu ditugu. Hezkuntza- eta prestakuntza-jardueren bidez, elkarrekin ikasi dugu, eta smartphoneak modu kontzientean eta arduratsuan nola erabili hausnartu dugu.

Aurten, Ikastolatik ateratzen diren 6. mailako ikasleengan jarri nahi genuen fokoa, orduan baita familia askok lehen mugikorra ematen dieten momentua. Horregatik, proiektu honen mugarririk nabarmenetako bat Ikastolaren “Mugikorra Erabiltzeko Akordio Osasungarria” egitea izan da, gailu mugikorrak segurtasunez eta orekaz erabiltzeko jardunbide eta gomendio onenak biltzen dituen dokumentua, alegia. Akordio hori familien arteko elkarlanaren emaitza izan da, eta hemen duzue eskuragarri deskargatu eta gure etxeetan aplikatu ahal izateko.

 

Eskerrak eman nahi dizkiegu proiektu honetan parte hartu eta lagundu duten familia guztiei.

Gogoratu datorren ikasturtean ere lanean jarraituko dugula, hileko lehen astelehenean, 15:30ean, Maribi Aretoan

Eskerrik asko parte hartzeagatik!

Akordioa.eus