Kaixo familiok!
Datorren azaroaren 25ean, emakumearen aurkako indarkeria ezabatzeko nazioarteko eguna dela eta, Abendatokik gonbidatzen zaituztegu parte hartzera Geuzen eskutik izango dugun hurrengo ikastaro-lantegian.
Lur Kabiketa Arrazola. Hezitzailea eta heziketari aplikatutako psikodramari buruzko aditua. Bitartekaritzako eta eskola-bizikidetasuneko espezialista.
MATXISMOA ETA GENERO-INDARKERIA NERABEZAROAN
Honekin batera doazkizue lantegiari buruzko datuak eta izena emateko fitxa, nahitaez bete beharrekoa parte hartzeko. Plazak mugatuak dira, eta izena emateko hurrenkera errespetatuko da.
- Jarduera hau doakoa da guraso-elkarteko bazkideentzat.
- Guraso-elkarteko bazkide ez direnentzat: 10 €. Ingresatu behar dira honako kontu korrontean: ES72 3035 0177 70 1770010154 (Laboral Kutxa). Kontzeptua: matxismoa eta genero-indarkeria eta seme/alabaren izen-abizenak. Ordainagiria guraso-elkartearen postontzian utzi.
Data eta ordutegia:
Azaroaren 25ean – 17: 15etik 19: 15era. Ikastola handian.
Helburuak:
- Matxismoa,Indarkeria kulturala eta genero-indarkeria kontzeptuak argitzea.
- Nerabeen arteko harremanetako egungo egoeraz jabetzea.
- IKTen erabilerari eta indarkeriaren transmisioari buruzko hausnarketa egitea.
- Gizarteak gaur egun nerabeei eskaintzen dizkien bikoteen portaera-ereduei buruzko hausnarketa egitea.
- Gurasoek matxismoari aurrea hartzeko dituzten baliabideak identifikatzea.
- Familiek nerabeen bikoteetan tratu txarrak hautemateko eta esku hartzeko dituzten baliabideak identifikatzea.
Edukiak:
- Zer da gaur egun matxismoa?
- Zertan datza kultur indarkeria? Genero indarkeriak ez du adinik
- Estereotipoen transmisioa: familiatik, komunikabideetatik, berdinen taldeetatik eta gizarteko gainerako taldeetatik
- Matxismoa eta genero-indarkeria nerabezaroan: jokabide “normalizatuak”: kontrola, posesibitatea, jeloskortasuna, isolamendua, mendekotasuna, autoengainua …
- IKTak: kontrolatzeko modu berri bat.
- Zer egin dezakegu eta nola egin familiatik?
- Zein dira gurasoen eskura dauden hezkuntza-baliabideak matxismoari aurre egiteko eta tratu onean hezteko?
Anima zaitez!