Eskolaz kanpoko ekintzen eskaintza
Epea zabalik maiatzaren 28a arte!
Ekintzen eskaintza aldatu egiten da urtez urte; beti ere, saiatzen gara ahalik eta ekintza-sortarik zabalena eta askotarikoena eskaintzen ikasleak erakartzeko.
Abendaño Ikastolan eskolaz kanpoko ekintza ugari antolatzen ditugu, kirol zein kultura arlokoak. Antolaketa lan hori egiteko, Eskolaz Kanpoko Ekintzen Batzordea osatzen duten hainbat pertsonen bolondres lana ezinbestekoa da.
Gaur egun, batzorde hori lau pertsonek osatzen dute, eta IGEko beste kide batzuen laguntza puntuala jasotzen dute. Eskolaz Kanpoko Ekintzen Batzordeak urteko jardueren eskaintza bere gain hartzen du, honako hauek barne:
- Kuoten proposamena IGE-ko juntari.
- Begiraleen bilaketa.
- Jarduera berriak proposatzea.
- Egutegiaren proposamena eta jardueren kokapena
- …
Helburua eta finantzazioa
Eskolaz kanpoko ekintza guztien helburu orokorra jarduera bakoitzean ikuspegi ludiko eta formatzailea duen hastapen egokia eskaintzea da. Hartara, xede nagusia ikasle guztiek ekintzetan berdintasunez parte hartzea da, zentzu horretan hezkuntza premia bereziak dituzten ikasleen parte hartze inklusiboa bilatzen da..
Eskolaz kanpoko ekintzak neurri handi batean parte-hartzaileen familien diru-ekarpenen bidez finantzatzen dira, nahiz eta Gasteizko Udalak eta Eusko Jaurlaritzak diru-laguntza publikoak eman kultur ekintzen kasuan eta Arabako Foru Aldundiak kirol jardueretarako.
Arau orokorrak
Abendaño Guraso Elkarteak antolatzen dituen eskolaz kanpoko jarduera guztietan aplikatu behar diren oinarrizko arauen bidez, guztion eskubideak berdin errespetatzea helburu duen marko bat lortu nahi dugu.
Arauok eskolaz kanpoko jarduerak urteetan antolatzen ibili osteko emaitza da. Hainbat egoren aurrean hartutako neurriak arian-arian gehitu dira arautegian; horiek guztiak onartzea eta hobetzea Malizhaeza IGE osatzen duten familia guztien erantzukizuna izanik.
Eskolaz Kanpoko Ekintzen Eskaintza dokumentuan bertan daude irakurgai arau orokorrak eta horiek irakurtzea eta onartzea halabeharrezkoa da ekintzetan izena emateko.
2025/26ko ekintzen eskaintza
ESKAINTZA Eskolaz Kanpoko Ekintzak 25-26Eskolaz kanpoko ekintzen eskaintzaren PDFa deskargatu
2025/26ko ekintzen deskribapena
INFORMAZIOA Eskolaz Kanpoko Jarduera bakoitzaren inguruanEskolaz kanpoko ekintzen informazioaren PDFa deskargatu